- સોયાબીનની કાપણી, બધા જ પાન ખરી પડે તથા શીંગો સોનેરી પીળી દેખાય તથા આખો છોડ સુકાઈ જાય તે પહેલાં કરવી.
- કાપણી સમયે ૧૪% કરતા વધુ ભેજ ન હોવો જોઈએ.
- સમય કરતાં વહેલી કાપણીથી નીચું ઉત્પાદન, અપરીપકવ બીજનું ઊંચુ પ્રમાણ, નીચી ગુણવત્તા તથા સંગ્રહ દરમ્યાન જીવાતથી થતુ નુકસાન વધે છે.
- સમય કરતાં મોડી કાપણીથી દાણા ખરી પડવા, દાણા તૂટી જવાં તથા જીવાત, ઉંદર, માણસો જેવા પરિબળોથી નુકસાન થાય છે.
- ઊંચા ભેજવાળા વાતાવરણમાં કાપણી કરવી નહી.
- કાપણી તથા ઝૂડેલ દાણાને વરસાદ તથા ઝાકળથી બચાવવા માટે ઢાંકી દેવા.
- કાપણી કરેલ છોડને ૮-૧૦ દિવસ સુધી ખળામાં રાખવા.
- સીધા સૂર્યપ્રકાશ તથા વધારે પડતી સૂકવણીથી દાણા ભાંગી જાય છે.
- જો સમયસર દાણા છૂટા ના પાડી શકાય તો, કાપણી કરેલ છોડને છાયાવાળી જગંયાએ તથા સૂકી જગ્યાએ સંગ્રહ કરવો જેથી હવાની અવર જવર થાય તથા વધારે પડતી ગરમીથી બચાવી શકાય.
- એક જગ્યાએથી બીજી જગ્યાએ લઈ જવા કોથળાનો ઉપયોગ કરવો જેથી દાણાને ઓછું નુકસાન થાય.
વધારે પડતી ઉથલપાથલ ન કરવી જેથી દાણાને ઓછું નુકસાન થાય.
- સોયાબીનના પૅકિંગમાં જીવાત રહિત કંતાનના કોથળા વા૫૨વા.
.png)
.png&description=સોયાબીનની કાપણી, બધા જ પાન ખરી પડે તથા શીંગો સોનેરી પીળી દેખાય તથા આખો છોડ સુકાઈ જાય તે પહેલાં કરવી. કાપણી સમયે ૧૪% કરતા વધુ ભેજ ન હોવો જોઈએ...){kind=link}
0 comments