એક વાત યાદ રાખજો સોયાબીન  બિયારણ વાવણી વખતે જમીનનું તાપમાન ૩૦ સેન્ટીગ્રેડથી ઓછું હશે તો બીજનો ઉગાવો ઓછો મળશે .30 સેન્ટિગેડ થી ઓછું તાપમાન હોય તો વાવણી ના કરો . સોયાબીનનના પાકને હુંફાળું તાપમાન  માફક આવે છે . 35 સે ગ્રે થી વધુ હોય તો ઉગ્યા પછી કુમળા છોડ બળી જશે . સોયાબીનને સેન્દ્રીય ખાતર, છાણીયું ખાતર જેટલું વધારે તેટલો સારો પાક લઇ શકાશે.. જે જમીનમાં સેન્દ્રીય કાર્બન વધુ હશે તે જમીન સોયાબીન માટે સારી .

 સોયાબીન કરો ત્યારે અત્યારથીજ આ વાત ફરી નોંધી લો મઘ્યમ કાળી કે ભારે કાળી નીતારવાળી જમીનમાં આ પાક સારો થાય છે. કાંપાળ, ગોરાડું કે રેતાળ સારા નીતારવાળી જમીન પાકને માફક આવે છે. પાણી ભરાઈ રહે તેવી રેચક અને ક્ષારવાળી જમીન હોય ત્યાં આ પાક થતો નથી. ૬.૦ થી ૭.૫ પીએચ.  ધરાવતી જમીન માફક આવે છે. જે જમીન માં ઢાળ ન હોય અને ખેતરમાં  બહુ પાણી થઇ જાય તો સોયાબીનના મુળિયા પાણીને સહન કરી શકતા નથી, સોયાબીનને ભેજ જોઈએ પણ લોંઠું  પિયત નહિ, એટલે જ જો તમે સબસીડી મેળવીને  ડ્રીપ લગાડો અને તેમાં ફર્ટીગેશન કરો તો તમારું ઉત્પાદન નીતારવાળી જમીનમાં ૫ થી ૧૦ મણ વધી શકે વિચાર તો કરો એક જ વર્ષમાં ડ્રીપની કીમત વસુલ કરવાની તાકાત સોયાબીન ધરાવે છે. પણ, સોયાબીનની ખેતી માટે નાની નાની ૨૦-૨૫ વાતો તમારે કરવી પડે કટોકટી અવસ્થાએ પાણી મળી જવાથી થતો ચમત્કાર ડ્રીપ કરી શકે મિત્રો.;