(૧) પાકના ઉગાવા પહેલાં : ઓકઝીકલોરફેન અથવા ફલુકલોરાલીન હેકટરદીઠ ૦.૫ કિ.ગ્રા. ક્રિયાશીલ તત્વોના રૂપમાં આપવું, તથા ૩૦ દિવસે હાથથી નીંદામણ કરવું.

(૨) જરૂરિયાત પ્રમાણે ૧૫ થી ૨૦ દિવસે પહેલું, અને ૩૦ થી ૪૦ દિવસે બીજું એમ બે વખત હાથથી નીંદામણ કરવું.

(૩) આંતરખેડ ૧૫ થી ૩૦ દિવસ બાદ વરાપના સમયે કરવી.

સોયાબીન એ ખરીફ ઋતુમાં થતો ચોમાસુ પાક હોઈ નીંદણનો ઉપદ્રવ વધુ જોવા મળે છે જેના પરિણામે ઘણીવાર ૨૫ થી ૬૦ ટકા જેટલો ઉત્પાદનમાં ઘટાડો થવા પામે છે. તદ્ઉપરાંત મોટા ભાગે નાના અને સીમાંત ખેડૂતો માટે કરબડીથી આંતરખેડ દ્વારા નીંદણ નિયંત્રણ કરવું હિતાવહ છે. પાક-નીંદણ હરિફાઈને ધ્યાને લઈ પાકના ઉગાવાથી ૩૦ થી ૪૦ દિવસ સુધી ખેતર નીંદણમુક્ત રહે તે ખાસ જોવું જરૂરી છે. આ માટે પાકની વાવણી બાદ ૨૦ થી ૨૫ દિવસે અને ૪૦ થી ૪૫ દિવસે એમ બે વાર હાથ નીંદામણ કરવા જોઈએ.

જો ખરીફ ઋતુમાં વરસાદ ચાલુને ચાલુ રહે તો તેવા સંજોગોમાં હાથ નીંદામણ શક્ય બનતુ નથી તેથી તેવા સમયે નીંદણનાશક દવાઓનો ઉપયોગ વધુ અસરકારક જણાય છે.

પેન્ડીમેથાલીન હેટકર દીઠ ૦.૭૫૦ કિ.ગ્રા. સક્રિય તત્ત્વ પ્રિઈમરજન્સ (વાવણી બાદ ઉગાવા પહેલા) તરીકે ૫૦૦ થી ૬૦૦ લિ. પ્રવાહી પ્રમાણે છંટકાવ કરવો અથવા કિવઝાલોફોપ ઈથાઈલ ૦.૦૫૦ કિ.ગ્રા.સક્રિય તત્ત્વ પ્રતિ હેકટર પાકની વાવણી બાદ ૧૫ થી ૨૦ દિવસે ૫૦૦ થી ૬૦૦ લિટર પાણી સાથે છંટકાવ કરવો.,